КАЖДОЕ ВОСКРЕСЕНЬЕ,  в храме Георгия Победоносца иеромонахом Даниилом служится литургия. Исповедь в 9-00, начало службы - по окончании исповеди, примерно в 10-00

Адрес храма: Живописная улица, д. 28

В настоящее время каждое воскресенье в 14.00 у поклонного креста, установленного на месте будущего храма св. Александра Невского, служится молебен.

Месторасположение креста можно посмотреть в разделе "Схема проезда". После молебна, в 15.00 в детской музыкальной школе проводятся бесплатные лекции.

Добро пожаловать!

Тропари и молитвы

Во время молебна читаются тропари и молитвы святым. Вы можете скачать и распечатать чинопоследование ниже.

ЧИНОПОСЛЕДОВАНИЕ  МОЛЕБНА

"Благословен Бог наш всегда, ныне и присно, и во веки веков"
Хор: "Аминь".
Слава Тебе, Боже наш, слава Тебе"
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Диакон: Святый Боже, Святый Крепкий, Святый Безсмертный, помилуй нас. (трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй.  (трижды)
Слава Отцу и Сыну и Святому Духу и ныне, и присно, и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
 Священник: "Яко Твое есть Царство, и сила и слава, Отца, и Сына, и Святаго Духа, ныне и присно, и во веки веков"
Хор: "Аминь"
"Господи, помилуй" (12)
Слава и ныне: "Приидите, поклонимся..." (3).
Псалом 142: " Господи, услыши молитву мою, внуши моление мое во истине Твоей, услыши мя в правде Твоей и не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой, посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в творениих руку Твоею поучахся. Воздех к Тебе руце мои, душа моя, яко земля безводная Тебе. Скоро услыши мя, Господи, исчезе дух мой, не отврати лица Твоего от мене, и уподоблюся низходящым в ров. Слышану сотвори мне заутра милость Твою, яко на Тя уповах. Скажи мне, Господи, путь воньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой. Дух Твой Благий наставит мя на землю праву. Имене Твоего ради, Господи, живиши мя, правдою Твоею изведеши от печали душу мою. И милостию Твоею потребиши враги моя и погубиши вся стужающыя души моей, яко аз раб Твой есмь."
Слава и ныне: "Аллилуия" (трижды)

Миром Господу помолимся
Господи, помилуй.
О свышнем мире и спасении душ наших Господу помолимся.
Господи, помилуй.
О мире всего мира, благостоянии Святых Божиих Церквей и соединении всех Господу помолимся.
Господи, помилуй.
О святем месте сем и с верою, благоговением и страхом Божиим стоящих зде Господу помолимся.
Господи, помилуй.
О Великом Господине и Отце нашем Святейшем Патриархе Кирилле, честнем пресвитерстве, во Христе диаконстве, о всем причте и людех Господу помолимся.
Господи, помилуй.
О Богохранимей стране нашей Российстей, властех, воинстве и народе ея Господу помолимся.
Господи, помилуй.
О Первопрестольнем граде нашем, всяком граде, стране и верою живущих в них Господу помолимся.
Господи, помилуй.
О благорастворении воздухов, о изобилии плодов земных и временех мирных Господу помолимся.
Господи, помилуй.
О плавающих, путешествующих, недугующих, страждущих, плененных и о спасении их Господу помолимся.
Господи, помилуй.
О еже благословити доброе тщание всех зде предстоящих и молящихся рабов Твоих, и благоизволити кроме всякаго препятия во славу свою скончати, силою действом и благодатию Святаго Духа, Господу помолимся.
Господи, помилуй.
О еже труждающимся делателем благопоспешство в сем подати и дела рук наших исправити и в совершение силою, действом и благодатию Пресвятаго Духа успешно произвести, Господу помолимся.
Господи, помилуй.
О еже ко благому тщанию всех нас, зде предстоящих и молящихся рабов Твоих, благопоспешство со всяким довольством, силою, действом и благодатию Пресвятаго Своего Духа подати, Господу помолимся.
Господи, помилуй.
О еже приставити делу нашему и делателем Ангела Хранителя, еже невидимо отразити вся противныя вещи, видимых и невидимых врагов, и во всем благопоспешство, к сооружению же мудрость, и к совершению силу, силою, действом и благодатию Пресвятаго Своего Духа подати, Господу помолимся.
Господи, помилуй.
О избавитися нам от всякия скорби, гнева и нужды Господу помолимся.
Господи, помилуй.
Заступи, спаси, помилуй и сохрани нас, Боже, Твоею благодатию.
Господи, помилуй.
Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу Богу предадим.
Тебе, Господи.
Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков.
Аминь.



Бог Господь и явися нам, благословен Грядый во имя Господне.
Хор (повторяет): Бог Господь ... (то же и после каждого последующего стиха, произносимого диаконом)
Исповедайтеся Господеви, яко благ, яко в век милость Его.
Обышедше обыдоша мя, и именем Господним противляхся им.
Не умру, но жив буду, и повем дела Господня.
Камень, его же небрегоша зиждущии, сей бысть во главу угла, от Господа бысть сей и есть дивен во очесех наших.




тропарь Святой Троице глас 8:
Благословен еси, Христе Боже наш, / Иже премудры ловцы явлей, / низпослав им Духа Святаго, / и теми уловлей вселенную, / Человеколюбче, слава Тебе.
тропарь Собору Пресвятой Богородицы, глас 4:
Пречистая Богомати, Богородице,/ Собор Твой честный украшен многоразличными добротами, / дары Ти приносят, Госпоже, многи мирстии людие, / Узы наша грешныя раздери Своею милостию/ и спаси души наша.
тропарь Матроне, блж., глас 4:
Земли Тульския прозябение, / града Москвы ангелоподобная воительнице / блаженная старице Матроно. / От рождения в слепоте телесней до конца своих дней пребывшая. / Но от Бога щедро духовное зрение приявшая, / прозорливице и молитвеннице. / Наипаче дар исцеления болезней стяжавшая. / Помогай всем с верою к тебе притекающим и просящим в болезнех душевных и телесных, / радосте наша.
тропарь Александру Невскому глас 4:
Познай свою братию, российский Иосифе, / не в Египте, но на Небеси царствующий, / благоверный княже Александре, / и приими моления их, / умножая жита людем плодоносием земли твоея, / грады владычествия твоего ограждая молением / и православным Христианом на сопротивныя споборствуя.
тропарь Даниилу Московскому, блгв. кн., глас 3:
Явился еси стране нашей яко звезда пресветлая, / благоверный княже Данииле, / лучами света твоего озаряя град твой и обитель твою, / людем православным поборник еси, / пленным свободитель и нищим защититель, / моли Христа Бога / державе Российстей даровати мир / и спасти души наша.
тропарь Всем святым, глас 4:
Иже во всем мире мученик Твоих, / яко багряницею и виссом, / кровьми церковь Твоя украсившися, / теми вопиет Ти, Христе Боже: / людем Твоим щедроты Твоя низпосли, / мир жительству Твоему даруй / и душам нашим велию милость.

Пресвятая Троица, Боже наш, слава Тебе.
Пресвятая Богородица, спаси нас.
Святая блаженная мати Матроно, моли Бога о нас.
Святый благоверный княже Александре, моли Бога о нас.
Святый преподобный княже Данииле, моли Бога о нас.
Вси святии, молите Бога о нас.
Слава Отцу и Сыну и Святому Духу… (и ныне и присно…)


Избави от бед рабы Твоя, Многомилостиве, / яко мы усердно к Тебе прибегаем, / милостивому Избавителю, всех Владыце, Господу Иисусу.
Спаси от бед рабы Твоя, Богородице, / яко вси по Бозе к Тебе прибегaем, / яко к нерушимей Стене и Предстaтельству.
Призри благосердием, Всепетая Богородице, / на мое лютое телесе озлобление, / и исцели души моея болезнь.
Моли Бога о нас, святая блаженная мати Матроно, яко мы усердно к тебе прибегаем, скорой помощнице и молитвеннице о душах наших.
Моли Бога о нас, святый благоверный княже Александре, яко мы усердно к тебе прибегаем, скорому помощнику и молитвеннику о душах наших.
Моли Бога о нас, святый благоверный княже Данииле, яко мы усердно к тебе прибегаем, скорому помощнику и молитвеннику о душах наших.

Паки и паки, миром Господу помолимся.
Господи, помилуй.
Заступи, спаси, помилуй и сохрани нас, Боже, Твоею благодатию.
Господи, помилуй.
Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.
Тебе, Господи.
Ты бо еси Царь мира, и Спас душ наших, и Тебе славу возсылаем, Отцу, и Сыну, и Святому Духу, ныне и присно, и во веки веков.
Аминь.

Диакон: Вонмем, премудрость, вонмем!
Чтец: Прокимен глас 4: Буди светлость Господа Бога нашего на нас / и дела рук наших исправи.
И призри на рабы Твоя и на дела Твоя.
Филипписием послания святаго апостола Павла чтение
Братие, возлюбленнии мои, якоже всегда послушасте мене, не якоже в пришествии моем точию, но ныне много паче во отшествии моем, со страхом и трепетом свое спасение содевайте: Бог бо есть действуяй в вас и еже хотети и еже деяти о благоволении.  Вся творите без роптания и размышления, да будете неповинни и цели, чада Божия непорочна посреде рода строптива и развращена, в нихже являетеся якоже светила в мире,  слово животно придержаще, в похвалу мне в день Христов

Диакон: И о сподобитися нам слышанию святаго Евангелия Господа Бога молим.
Господи, помилуй (трижды).
Премудрость, прости! Услышим святаго Евангелия.
Священник: Мир всем.
Хор: И духови твоему.
Священник: От                         святаго Евангелия чтение.
Хор: Слава Тебе, Господи, слава Тебе!
Диакон: Вонмем.             ( Священник читает евангелие)
Хор: Слава Тебе, Господи, слава Тебе!

Помилуй нас, Боже, по велицей милости Твоей, молим Ти ся, услыши и помилуй.
Господи, помилуй, (трижды)
Еще молимся о Великом Господине и отце нашем Святейшем Патриархе Кирилле, и о всей во Христе братии нашей.
Господи, помилуй, (трижды)
Призри, Человеколюбче, милостивым Твоим оком на вся ны, зде предстоящия и молящияся рабы Твоя, ко Твоему благоутробию верою припадающия, и услышав моления наша, благое намерение и дело рук наших благослови и благополучно и спешно кроме всякаго препятия во славу Твою совершити, яко всесильному Царю, молим Ти ся,  услыши и помилуй.
Господи, помилуй, (трижды)
Ангела Твоего Хранителя пристави делу нашему, благоуветливе Господи, и еже воспятити вся препятия видимых и невидимых врагов, поспешство же во всем ко благополучному совершению делающим сотворити, молим Ти ся,  Преблагий Спасе, услыши и помилуй.
Господи, помилуй, (трижды)
Во славу Твою вся творити повелевая Господи, всем нам, зде предстоящим и молящимся (имярек), ко Твоей славе дело свое творящим, благословением Твоим поспешство благополучное с довольством к совершению подаждь, здравие нам со благоденствием даруя, молим Ти ся,  Вседаровитый Творче, услыши и помилуй.
Господи, помилуй, (трижды)
Еще молимся о Богохранимей стране нашей Российстей, властех, воинстве  и народе ея, да тихое и безмолвное житие поживем во всяком благочестии и чистоте.
Господи, помилуй, (трижды)
Еще молимся о милости, жизни, мире, здравии, спасении, посещении, прощении, благопоспешении рабов Божиих (имярек).
Господи, помилуй, (трижды)
Еще молимся за всю братию и за вся православныя христианы.
Господи, помилуй, (трижды)
Яко милостив и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.
Лик: Аминь.
Диакон: Господу помолимся.
Лик: Господи, помилуй.


Господи Иисусе Христе, Боже наш, приими усердное моление наше и благослови благое намерение и дело рабов твоих, яже благополучно и без препятия всякаго ко славе твоей совершити. Делателем благопоспеши и дела рук исправи, и в совершение силою пресвятаго твоего Духа успешно произвести сотвори! Твое бо есть, еже миловати и спасати ны, Боже наш, и тебе славу возсылаем, со безначальным твоим Отцем, и пресвятым и благим и животворящим твоим Духом, ныне и присно и во веки веков.
Молитва ко Пресвятой Богородице:
 Царице моя преблагая, надеждо моя Богородице, приятелище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь, помози ми яко немощну, окорми ми яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.
Молитва к блаженной старице Матроне:
Лик: святая блаженная мати Матроно моли Бога о нас
  О блаженная мати Матроно, душею на небеси пред Престолом Божиим предстоящи, телом же на земли почивающи, и данною ти свыше благодатию различныя чудеса источающи. Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам вся наша согрешения, беззакония и грехопадения, имиже мы от юности нашея даже до настоящаго дне и часа согрешихом, да твоими молитвами получивше благодать и велию милость, прославим в Троице Единаго Бога, Отца, и Сына, и Святаго Духа,ныне и присно и во веки веков. Аминь.
Молитва Александру Невскому:
Лик: святый благоверный княже Александре моли Бога о нас
Скоpый помощниче всех yсеpдно к тебе пpибегающих, и теплый наш пpед Господем пpедстателю, святый благовеpный великий княже Александpе! Пpизpи милостивно на ны недостойныя, многими беззаконьми непотpебны себе сотвоpившия, к тебе ныне пpитекающия и из глyбины дyши взывающия: ты в житии своем pевнитель и защитник пpавославныя веpы был еси, и нас в ней теплыми твоими к Богy молитвами непоколебимы yтвеpди. Ты великое возложенное на тя слyжение усердно пpоходил еси, и нас твоею помощию пpебывати коегождо, в неже пpизван есть, настави. Ты, победив полки сyпостатов, от пpеделов Российстих отгнал еси, и на нас ополчающихся всех видимых и невидимых вpагов низложи. Ты, оставив тленный венец цаpства земнаго, избpал еси безмолвное житие, и ныне, пpаведно венцем нетленным yвенчанный, на небесех цаpствyющи, исходатайствyй и нам, смиpенно молим тя, житие тихое и безмятежное, и к вечномy Цаpствию Божию шествие неyклонное твоим предстательством yстpой нам. Пpедстоя же со всеми святыми пpестолy Божию, молися о всех пpавославных хpистианах, да сохpанит их Господь Бог Своею благодатию в миpе, здpавии, долгоденствии и всяцем благополyчии в должайшая лета, да пpисно славим и благословим Бога, в Тpоице Святей славимаго, Отца и Сына и Святаго Дyха, ныне и пpисно и во веки веков. Аминь.
Молитва Даниилу Московскому:
Лик: святый преподобный княже Данииле моли Бога о нас

О преподобне княже Данииле, к тебе притекающе, усердно молим тя: призри на нас, с верою под кров молитв твоих прибегающих. Пролей теплое твое ходатайство ко Спасу всех, яко да утвердит миром приход наш и храм наш добре да созиждет, благочестие и любовь в людех православных насаждая, злобу же, междоусобие и нравов развращение искореняя; всем же нам вся благая ко временному животу и вечному спасению даруй молитвами твоими, яко да прославляем дивнаго во святых своих Христа Бога нашего вкупе со Отцем и Святым Духом во веки веков. Аминь.
 
КРОПЛЕНИЕ
Величание: Величаем тя, / святый благоверный княже Александре, / и чтим святую память твою, / ты бо молиши о нас / Христа Бога нашего.
Диакон:  Премудрость.
Священник: Пресвятая Богородице, спаси нас.
Хор: Честнейшую Херувим / и славнейшую без сравнения Серафим, / без истления Бога Слова рождшую, / сущую Богородицу, Тя величаем.
Священник: Слава Тебе, Христе Боже, упование наше, слава Тебе.
Хор: Слава, и ныне: Господи, помилуй, (трижды). Благослови.
Священник: Христос, истинный Бог наш, молитвами Пречистыя Своея Матере, святых славных и всехвальных Апостол, (и святаго, егоже есть храм, и святаго, егоже есть день), святых и праведных богоотец Иоакима и Анны, и всех святых, помилует и спасет нас, яко Благ и Человеколюбец.
Хор: Господи помилуй (трижды).
Тропарь, глас 4:
 Благодарни суще недостойнии раби Твои, Господи, / о Твоих великих благодеяниих на нас бывших, / славяще Тя хвалим, благословим, благодарим, поем, и величаем Твое благоутробие / и рабски любовию вопием Ти: // Благодетелю Спасе наш, слава Тебе.
Тропарь вкупе обоим преподобным и благоверным князем Александру Невскому и сыну его Даниилу Московскому,глас 3:
Преподобнии и благовернии князие Александре и Данииле,/ молите Милостиваго Бога/ отечеству вашему земному/ всегда в Православии и благочестии пребывати/ и всем русским людем в мире спастися.
Тебе, Бога хвалим / Тебе, Господа исповедуем, / Тебе Превечнаго Отца,  вся земля величает. / Тебе вси ангели, / Тебе небеса, и вся силы. / Тебе херувимы и серафимы  непрестанными гласы взывают / свят, свят, свят Господь Бог Саваоф. / Полны суть небеса и земля величества славы Твоея. / Тебе преславный апостольский лик, / Тебе пророческое хвалебное число, / Тебе хвалит пресветлое мученическое воинство. / Тебе по всей вселенней исповедует Святая Церковь / Отца непостижимаго величества / покланяемаго Твоего истиннаго и единороднаго Сына,/ и Святаго Утешителя Духа. / Ты Царю славы, Христе / Ты Отца присносущный Сын еси. / Ты ко избавлению приемля человека, / не возгнушался еси девическаго чрева. / Ты, одолев смерти жало  отверзл еси верующим Царство Небесное. / Ты одесную Бога седиши  во славе Отчей, судия приити веришися. / Тебе убо просим / помози рабом Твоим, / ихже честною кровию искупил еси, / сподоби со святыми Твоими в вечной славе Твоей царствовати. / Спаси люди Твоя Господи  и благослови достояние Твое, / исправи их, и вознеси их во веки, / во вся дни благословим Тебе, и восхвалим имя Твое во век, и в век века. / Сподоби, Господи, в день сей без греха сохранитися нам, / помилуй нас, Господи, помилуй нас. / Буди милость Твоя, Господи на нас / якоже уповахом на Тя. / На Тя, Господи, уповахом,// да не постыдимся во веки, аминь.